طريقة الانتقام

خدوا طرق الانتقام


اذا طلبتي من اخوكي يوديكي السوق ورفض لأنه طالع مع اصحابه
لاتزعلي روحي غرفتك واختاري اي طريقه تعجبك ...


1- روحي لمزيل الروائح تبع اخوكي وافتحي غطاه حطي فيه ( استون )
مزيل المنكير واعصري ليمون وكبي شويه كمان .. لا مو شويه كبي لين تحسي قلبك برد .. هادا وجهي اذا قدر ينزل ايدو ويمشي طبيعي ...



2- روحي للصندل او الجزمه حقتو الي تحسي يلبسو اكتر شي امسكيه
وكلي لبان ( علك ) علبه كامله وطلعيها من فمك وحطيها في صندله من تحت ومن جوا .. قرف على اصوله...


3-روحي للقلم الي يحطو دايما بثوبه وطلعي الحديده الي جوه وغطسيها
في
الحبر ورديها مكانها .. لما ترجعي القلم لمحله سيبيه مفتوح .. يعني جاهز
للكتابه.. طبعا هو حايطلع القلم وهو مستعجل وينزل الحبر على ثوبه ..
ياسلام



4-
خدي فرشته حقت الشعر وغطسيها في موية الحنه او في مويه مخلوطه ببيضه نيه..
لاتسيبي الفرشه مبلوله مره خليها رطبه .. اخوكي لو طلع من الحمام وجا يمشط
شعره وهو مبلول .. شوفي الريحه الي حاتطلع .. كمحاوله للمساعده سوي
نفسك اخت حنونه واعرضي عليه انك تستشوري شعره ..سدي خشمك واستحملي..



5-
خدي جواله وخلصي بطاريته يعني العبي لين الشحن ينتهي .. ولمن يخرج من
البيت قوليلو جوالك بطاريتو خلصت ..خد بطاريتي .. قلك كريمه الأخت..


6-خدي
مفتاح سيارته وخبيه .. واذا سال عنه قوليلو انك شفتيه مع اصغر طفل عندكم
بالعيله والافضل يكون عمره سنتين او ثلاث سنين .. طبعا مايقدر يخاصمه او
يضربه بالعكس حيتحايل عليه ويجلس يحاول يوصله المعلومه انو مستعجل ويبا
يمشي .. وانتي اضحكي عليه بس لايشوفك .. روحي دوري عا المفتاح معاه
لاتفرحي بنتصاارك مو وقته .. في النهايه حايتصل على اصحابه عشان يمروا عليه ..



7-وفي النهايه قبل مايطلع من البيت خدي مفتاح غرفته بعد مايقفلها
.. حاولي تجيبي المفتاح ضروري .. لو رجع من سهرته حايكون تعبان يبا ينام
يدور عالمفتاح في الميداليه مايلاقي حايتوقع انو ضيعو برا ... طبعا ياعزيزتي
مالو مكان ينام فيه ياعيني عليه غير الكنبه ..


تكوني انتي بعد انتقامك رحتي في سابع نومه وسكري باب غرفتك بالمفتاح
كمان لاتنسي ولمن يرجع يحاول يدور غرفه ينام فيها خلي يدق لين الصبح سوي نفسك ماسمعتي ..


انشاءالله تنفع معاكم

طرق شريرة حقا

هههههههههههههههههههههههههه شكرا على المساهمة ياخلود

:سيء للغاية: ههههههه انا لست من النوع الذي ينتقم ولا اريد القيام بتلك الاشياء فهذا
اما الموضوع فهو جميل لكن يا ريت كانت طرق احترام وليس انتقام ههه

طيب رح يتم حذفه بماان المديرة لم يعجبها

لا يا ميلينا الموضوع اضحكني لكني قلت من الافضل ا تكون طرق احترام
ومعك حق الاخوة لا يطبقون ما نطل منهم وهذه الاعمال مضحكة

طيب مثل ماتريدي و شكرا على المساهمة معنا